Tripura, 5 May: Tripura Police ba 16 Bangladeshi nationalist aro panchta bacha kan ke Dhalai District laga duita alag alag jaga deh dhurishey.
Dhalai District Superintendent of Police, Avinas Rai ba ekta secret information laga through,koishey India Today NE ke Dhalai District laga Gandacherra Police ba 11 Bangladeshi nationalist(desh bhakt) aro etu logot deh teenta minor bacha kan ke milina dhurishey Mas Kumbhir Para ba dhurishey.
Secret information pa laga hisab deh, moikhan ba 11 Bangladeshi manu kan aro charta bacha kan ke dhurihey. Moikhan ba ticket kan, Bangladeshi government ba Covid vaccination document kan aro olop Bangladeshi currency kan bi seize kurishey.
Ekta source ba koishey ki “Dura kan laga puch tash kura time deh, moikan janishey ki taikan India Bangladesh ba ahishey, Hakimpur Indo-Bangla border laga rasta ba West Bengal deh punjishey kaam bisariboley teen saal agey deh. Etu peche deh tai kan Bangalore move kurishey kaam bisariboley. Tadey saal bhar buhina thakina, Howrah, West Bengal deh punjishey, Bangalore ba train luina April 30 deh wapas Banglore jabo leh. May 2 deh taikan Tripura train ba jaboley Sealdah ba olaishey. Ambassa railway station deh Friday deh ola peche de taikan Gandachara rati phaley punjishey duita auto luina. Taikan rati toh ekta manu nathaka ghor deh rukhina tadey homaishey Gandachra, Mas Kumbhir Para deh. Saturday deh taikan plan kurishey, Gandachhra subdivision laga Indo-Bangladesh border cross kurina Bangladesh jabo leh. Etu time deh taikan ke police ba arrest kurishey.”
Taikan laga naam toh Md.Mamun Sardhar(29), Ruma Begam(25),Afsana Akter(22), MD Rajib Holder(20), Maharaj Sheikh(25), Md. Chan Miah Akon(36), Md. Foysal Akon(18), Md. Ferdous Sheikh(30), aro teenta bacha.
Aro alag ekta operation, Dhalai District deh, Tripura Police aro Government Railway Police laga information hisab deh, panchta Bangladeshi nationals aro duita bacha Ambassa Railway Station ba arrest kurishey koi ase. Gurupada Debnath, Officer-in-Charge, Ambassa laga Police Station ba koishey ki “Moikan ;laga haat deh information thakishey ki kunba Bangladeshi manu kan Tripura deh illegally gushina Ambassa ahishey alag state deh jabo karney. Moikan ba panchta Bangladeshi nationals, aro duita bacha ke dhurishey. Taikan toh Bangladesh laga Barishal District ba ahishey aro taikan West Bengal jabo ley laga route deh thakishey kam bisariboley,”
Add Comment