Abu Dhabi, 9 September : 17th Asia Cup cricket aaji shuru hobo, juntu te Afghanistan aru Hong Kong ekta opening match kheli ase Abu Dhabi te. Match 8 PM te hobo, Indian Standard Time hisab te. Tournament September 28 tak cholibo aru total aath-ta team continental crown pabo nimite khelibo. 2016 pora ODI aru T20I format alternate kori khelibo, aru etu saal laga edition T20 format te hobo, juntu agey saal India aru Sri Lanka te hobo thaka ICC Men’s T20 World Cup nimite dangor preparation hobo.
Team India laga campaign agey te kali Dubai te UAE khan laga host team ke khelikina shuru koribo, Group A laga match Dubai International Cricket Stadium te. India Group A te ase Pakistan, Oman aru UAE laga logot. Group B te ase Sri Lanka, Afghanistan, Hong Kong aru Bangladesh. India laga last group stage match hobo September 19 te Oman khan laga logot. Super Four stage September 20 pora shuru hobo. Duita group pora top duita team uthikina, har ekta team tin-ta match kheli bo Dubai te, aru kun khan jeeti uthibo, etu khan final title clash te hobo September 28 te.
Add Comment