Imphal, December 10 : Myanmar military junta aro tatey laga rebel group laga majotey larayi bisi barija nimitey Manipu te Myanmar laga manu gusa tu ekta chinta kuridiya level te pungchisey aro etya Manipur te pura puri 1,800 Myanmar manu khan buhi asey.
Saturday din te, komsikom 150 refugee kuntu te maiki aro baccha tu India-Myanmar border par kurikina Tengnoupal district te gusisey aro taikhan laga desh te hoithaka jhamila para bachibole nimitey jaga bimarisey.
Etu manu khan tu phujur te border pillars 74 aro 75 majotey desh te gusisey aro etya Betuk busti te buhi asey kuntu toh India laga Myanmar logotey thaka akhri border town, Moreh para 20 kilometres du rte asey.
Border fale para aha report para janaisey ki Myanmar Army para olop din ageyte Sagaing Region laga Tamu District bhitor te thaka Htan Ta Pin busti te 210 maan ghor jolaidisey.
Etu ghotna aro utu jaga te huwa alag ghotna khan para busti manu khan ke taikhan laga ghor para polaikina osor desh India te bachikina buhibole jaga bisarisey.
Etu milaikina, Manipur te boha total Myanmar manu laga number tu 1,800 maan hoisey aroe tu manu khan tu duita district Tengnoupal aro Kamjong te buhi asey. 6 December, 2023 tak te, Kamjong district te bana alag alag relief camp khan te komsikom 1,650 manu khan already buhi thakisey. Taikhan tu etu jag ate November laga second hapta te pungchisey.
Add Comment