NEW DELHI, OCTOBER 27 : Tariq Anwar toh Congress Party nemite Saturday din te huijaise. Etubi Sharad Pawar aro Late PA Sangma 2 jun logot melekena National Congress Party ulabole karne Congress Party pora hatijai kena 19 sal pora besi thaka bejete. Tai etu NCP pora hatijai kena 1 moina huise. Aro tai etu NCP Party pora hatijaa toh etu Party President Sharad Pawar logot babuna alak-alak (differences with) huijai karne hatijaa ase koise.
Saturday din te New Delhi laga Tughlaq Lane jaka te tai (Tariq Anwar) toh Congress President Rahul Gandhi logot lok kurise. Etu time te Congress Party kan tai kan Party hobole karne khushi pora ahebole dese (welcome) koise. Etubi Congress General Secretary Ashok Gehlok aro Shaktisinh Gohil, etu Mr Anwar’s State Bihar laga Congress Party In-Charge nemite thaka 2 jun bi thaka time te.
Tariq Anwar toh NCP Party pora haijaa toh September 28 te hatijaa laga ase. Etubi kedia tai kan NCP Party Chief Sharad Pawar pora Prime Minister Narendra Modi ke Rafale Fighter Jet chamala nemite pachaidebole kura karne. Aro tai etu NCP porahi hatijaa nahui. Huilebi Lok Sabha Membership porabi hatijai kena thakise koise.
Add Comment