ITANAGAR, May 05, 2019:Arunachal Pradesh te juwa haafta CBSE laga result olaikena bishi student khushi mani thaka time te .Ekta student kun tai laga Class 12 CBSE exam pass kuribole paranai tai nijor ke muraidishe .
Arunachal Times kuwa hisaab te etu Tawang district te thaka Class 12 student ekta Thursday te suicide kurishe etu bi tai Central Board of Secondary Education (CBSE) examination pass kuribole napara nimete..
Etu 19 sal student Mago basti Jang circle Tawang laga government higher secondary school te pudi thakishe.
Etu hadsaa te Tawang SP Sagar Singh Khalsi para Arunachal Times ke koishe etu maiki toh 5pm aro 5:30 pm majhotte Jang waterfall te girishe .
SP koishe etu jaka te thaka manu khan etu maiki ke ekla jaa dikhishe waterfall te aro tai laga body toh locals khan para PHED water tank te paishe.
Khalsi para koishe post-mortem loikena janishe ki etu maiki mura toh paani te dubikena mura ase .
Etu 19 sal maiki laga body toh Friday te tai laga ama baba khan ke dishe etu SP koikena janaishe aro koishe etu Section 174 CrPC bithor unnatural death thakishe aro ekta case (No 02/19 PS Jang) register hoishe .
Add Comment