October 28, 2020. Tuesday din te UK Vaccine Taskforce Chair Kate Bingham para koishe ke, COVID-19 vaccines laga first generation toh “kamyab nahobo neshina ase” aro “manuh nemite kam nahobo”. Hoilebi, ami khan najani ke vaccine pabo naa napabo koikena Bingham para Lancet medical journal te lekishe. “vaccine laga first generation toh bhal nahobo neshina ase aro ami khan bemar para thur thakiboli tayar hoboli lage aro etu oper te manuh sob logot vaccine toh kam nakoribo pareh,” tai aro koishe. Bingham para lekishe ke, Vaccine Taskforce para “vaccine toh kamyab nahobo” etu nemite vaccines laga immune jawab toh population pithor te 65 umer oper manuh logot sai ase. Tai aro koishe ke, Duniyaa pura te vaccine bonabo nemite tawai toh billions laki ase aro etai dak United Kingdom te bonai thaka toh besi komti ase koishe. Tuesday din te, Imperial College London te scientist para study kora samai paishe ke, novel coronavirus nemite antibodies toh summer samai British population te besi komti hoi ase aro bemari beche pachaikena rakiboli toh besi din nathakibo aro manuh khan pithor te immunity lakibo koishe. Telegraph newspaper para khobor thishe ke, British government laga hesab te kam kori thaka toh coronavirus laga second wave toh agae para be besi wala beya hoboli ase janai thishe.
Add Comment