1st International Dimapur Trade Expo 2018 aji last din

DIMAPUR, SEPTEMBER 11 : Dimapur Trade Expo 2018 toh 24^th August 2018 pora suru kurikena 12^th September 2018 dak lobole hisabte Super Market, Dimapur te manaise. Etu Trade Expo toh Vitho Society, Kohima kan pora ula (organized) laga ase. Stalls aro Participant sob laga in-charge Apu Das logot kotha kura hisabte ahebole laga tusera Trade Expo toh Phek te 26^th September 2018 pora 14^th October 2018 dak thakibole ase. Aro etu bejete Kohima te 1^st December 2018 pora 17^th December 2018 dak hisabte Local Gound te thakibole ase koise. Aro etu din toh aji khotum huijabole ase. Etu karne etu din te saman kan bhal-bhal aro kissim-kissim kan sasta daam pora de ase. Aji last din ase etu pora 10%-20% komti daam pora etu saman kan lobole ahejaile bhal koi kena khobor te janai ase. Etu alak-alak Stalls aro Participants kan toh Delhi, Kolkata, Mumbai, Gujarat, Jharkhand, Thailand, Bangkok, Pakistan, Uttar Pradesh, Hyderabad, Chennai aro Nagaland pora aha laga ase koise.