SHILLONG | Dec 20, 2018:Meghalaya Baby League (MBL) laga first edition laga final din toh ekdam bhal hoishe. MBL laga final toh Jawaharlal Nehru Stadium te hoishe. Langsning Greenergy Lions toh MBL laga overall champion hoishe.
Greenergy Lions toh etu season laga 12-team laga league stage te top hoishe. MBL toh Tata Trusts, Meghalaya Football Association (MFA) aro All India Football Federation (AIFF) laga joint initiative ase.
Individual aga categories laga finals te agi Nongthymmai GC Scorpions para Greenergy Lions ke 4-5 group te surprise kuri dishe. Wahlakhiat Bulls toh kunba team majote ekta ase kun Langsning ke 6-7 group final te haraishe.
Wahlakhiat para 8-9 group Kickstart FCC Rhinos against te jeetishe. Etu third final toh tiebreaker te jaishe. Greenergy Lions toh 10-11aro 12-13 group jeetishe. Greenergy Lions para Rhinos ke 1-0 dishe aro Bulls ke 4-0 dishe.
Awards ceremony te ENE Falcons ke Best Disciplined Team award dishe. Sob age category te Best player award bhi thakishe. Best Player awards toh Langsning Greenergy Lions para Kyle Ryan Kharkongor (4-5) age group para award paishe, ENE Falcons para Habankara Blah (6-7) jeetishe, Touchline NE Cubs para Sashang Gurung (8-9) jeetishe, Langsning para Banpynshngain Wankhar (10-11) jeetishe aro Langsning para Wansiewdor Nengnong (12-13) jeetishe.
Etu din agote parents karne match thakishe aro dusra toh coach khan nimite thakishe. Bacha khan nimite skills challenge bhi thakishe aro Nicholas Kharumnuid para freestyle football demonstrate kurishe. Stadium toh manu para bhorta thakishe.
Saat moina te 1,300 matches hoishe. Etu matches te 1,000 bacha khan MBL nimite MFA logote register kurishe. India te etu genika toh first time hoishe.
Trophies aro awards toh chief guest aro Commissioner & Secretary of Sports & Youth Affairs Shri Peter Dkhar, Tata Trusts’ Shri Biswanath Sinha, Centre for Microfinance & Livelihood’s Shri Partho Patwari aro MFA President Shri Larsing Ming Sawyan para dishe.
Shri Peter Dkhar para best wishes aro congratulations, Honourable Chief Minister Shri Conrad Sangma aro Honourable Sports & Youth Affairs Minister Shri Banteidor Lyngdoh laga behalf para dishe aro Mr. Peter bhi best wishes aro congratulations participants, parents, coaches aro aha manu khan ke dishe.
Mr. Dkhar koishe etu programme toh nationally notice kure kena thakibo aro etu program toh hodai saal kuribole kosis kuribo.
Sinha koishe etu toh India laga sob para dangor baby league ase. Baby league toh Shillong te bishi dangor para chuli ase. MBL toh bishi dangor success aro achievement paisheetu nimite Tata Trusts khan etu program aha saal te bhi kuribo koishe.
Sawyan para Tata Trusts ke MBL opor te confidence rakha nimite khusi pa janaishe. Parents ke kushi pa jana samay te MFA’s grassroots development committee laga chairman Wanshan Kharkrang para bhi Tata Trusts ke kushi pa janaishe.
Kharkrang koishe etu toh bishi challenging saat moina thakishe. Ami khan bishi success paishe aro olop failures bhi paishe. Etu para ami khan ke aro improve hubole chance dibo aro Tata Trusts ke etu sob achieve kuribo para nimite khusi pa janaishe.
Add Comment