Washington: November 25, 2020. United States para Pfizer-BioNTech Covid-19 vaccine toh emergency use hoboli cleared kora beche first hafta te 6.4 million doses thiboli bapana te ase aro etu aha moina te hobo, koikena Tuesday din officials khan para junaishe. Food aro Drug Administration laga committee khan December 10 darik te meeting thakina tawai ke grren light thiboli fesla koribo, etu samai United States te notun bemari cases aro manuh mora toh besi othiase. Notun Khobor hesab te, Tuesday din te desh laga Covid bemari cases toh 12.5 million hoishe aro 259,600 manuh morikena ase. 24 gonda pithor te 167,000 notun cases othishe aro 2,000 oper morishe koishe. Government’s Operation Warp Speed laga chief operation officer, General Gustave Perna para reporters logot koishe ke, December moina kotom howa samai 40 million vaccine doses toh paijabo koishe. Etu kotha te dosura vaccine Moderna aro National Institutes for Health para bona be samil thakibo. Jaa hafta konuba bhal khobor te emergency choboli mana junaishe. Pfizer vaccine toh ultra long-term te rakiboli 70 degrees Celsius laki koishe aro etu company para special containers te ice logot 15 din nemite rakiboli olaishe koishe. Perna para koishe ke, United States laga 64 jaga te aro etu oper te 50 states territories neshina capital Washington, Puerto Rico aro Indian reservations te Friday din te jaga toh paishe. Jaga aro manuh laga oper te keman lakibo pabo koishe. Federal government para kaun khan ke thibo fesla koribo, manuh neshina pura khan, high risk te thaka aro frontline te kam kora manuh khan hobo. Hoilebi, final fesla toh local authorities para janai thibo koishe. Vaccine loboli toh emergency mania beche retirement ghor khan te 48 gonda pithor te soruh hobo, koikena health secretary Alex Azar para koishe. Etu retirement ghor program nemite government para CVS Health logot melikena kam koribo koishe.
1st samai US para 6.4 Million Vaccine thibo
