Dimapur, 11 September: Aji kali COVID 19 pandemic thaki thaka nemide September 2020 karni Dimapur District Planning and Development Board meeting toh first time virtually loise. Meeting toh Friday (11th September) NIC conference hall Dimapur jaga te Advisor, Sericulture, Excise and Minority Affairs (Chairman Dimapur DPDB be hoi), Zhaleo Rio, MLA Dimapur Moatoshi aro DC Dimapur Rajesh Soundararajan IAS (Vice chairman DPDB Dimapur be hoi) logode loise. Sob District officers toh zoom app para virtual meeting te hisha loise.
Meeting te LADP 2020 to 21 opor te kotha korise aro sob members para schemes nemide approve korise. Etu para schemes toh Planning department te pothabo. Dimapur district te Public Park bonabole laga issue opor te be kotha korise. Etu opor te Chairman aro vice Chairman Dimapur DPDB para sob concern departments ke project opor te pariya best support aro cooperation debole koise.
MLA Dimapur Moatoshi para district te alak alak department para schemes bona sob te thek para shai thakibole lakiya koise.
Meeting te DC Dimapur para be sob members ke best supports aro cooperation toh COVID te mela kaam khan te debole koise.
Add Comment