2 Delhi Hospitals te Sputnik V Doses soruh hoboli ase

New Delhi: Delhi te tuita(2) hospital te etu hafta pithor Russian COVID-19 vaccine Sputnik V toh manuh logot jola soruh hoboli ase koishe. Delhi’s Madhukar Rainbow Children’s Hospital te Russia’s COVID-19 vaccine Sputnik V toh June 20 darik neshina para soruh hobo aro etu nemite appointment toh via CoWIN portal te booked hoboli paribo, koikena hospital officials para ANI logot janaishe. Tai khan para etu hafta samai doses toho pajaboli koishe. Sputnik V toh Indraprastha Apollo Hospital, Delhi te manuh nemite paijobo. Etu vaccine toh Dr Reddy’s Lab te employees khan logot thishe koishe. Khobor para janaishe ke, Sputnik V1000 doses toh Apollo Hospital ponchise aro 170 doses neshina toh employees logot thishe koishe. Covishield aro Covaxin beche Sputnik V toh third vaccine ase ke Government of India para desh te jolaboli manishe. Private hospitals te Sputnik V vaccine laga daam toh Rs 1,145 neshina daam thakibo. Hyderabad-based Dr Reddy’s Laboratories para Russian Direct Investment Fund (RDIF) melaikena tuita(2) dose vaccine toh India te olaishe.