2 Sikkim monasteries te 100 monks covid thurishe

May 25, 2021. Himalayan State of Sikkim te tuita(2) Buddhist Monasteries te melaikena 100 monks logot COVID-19 positive test thurishe koishe. COVID-19 positive test toh Rumtek Monastery aro Gonjang Monastery te thura ase koishe. Rumtek Monastery para COVID-19 positive cases toh 37 thurishe aro etu oper te Gonjang Monastery para 61 monks ke COVID-19 positive tests paishe. Gonjang Monastery toh olop din akhe te containment zone bonaikena ase. Monks kaun khan ke COVID-19 positive tested thurikena ase, tai khan toh isolation centre te rakina ase koishe. Gonjang Monastery toh Sikkim laga Capital Gangtok para 8 kilometres neshina jaikena ase aro Rumtek Monastery toh World Heritage jaga ase, etu jaga toh Gangtok para 24 kilometres thur jaikena ase koishe. Etu samai, Sikkim te COVID-19 halat toh besi beya jai ase. Sikkim Government para bemari cases besi othi-thaka nemite lockdown toh aro May 31 darik dak othaishe koishe. Sikkim te 24 gonda pithor te 101 notun COVID-19 cases thurishe aro etu oper te 8 jun manuh morikena ase koishe.