2018 Assian Games

Amit Panghal final de kushise
Agencies, 31 August: 18th Asian Games de India laga khali ekta boxer final de kushibole para toh Amit Panghal (49kg) ase. Tai pora Friday din Philippines’ Carlo Paalam logode semi-final de haraideya ase. Amit toh 3-2 pora jeti kena final de kushibole para ase aro Vikas Krishan (75kg) toh sukhu de jokhom pai kena thaga karni pre-quarters de olaija thakise.
Volleyball de Indian women’s team harise
Indian women’s team toh Chinese Taipei logode harise. Tai khan Chinese Taipei logode 25-21 25-16 25-15 pora hara thakise aro khel toh 73 minutes de kothom howah thakise. August 25 debe, India toh etu opponent logodebe hara thakise. Pool B de India toh sigle match be jetibole para nai aro 5-khel debe hari kena game toh kothom korise.
Judo de Avtar Singh aro Rajwinder Kaur out hoise
X
Friday din men’s aro women’s competition debe hara bechide, Indian judokas Avtar Singh aro Rajwinder Kaur toh knock out howah thakise. Men’s -100 kg laga 16 round de Singh toh United Arabs Emirates’ Ivan Remarenco logode 1-10 pora hara thakise. Aro Kaur be Singh nesana Japan’s Akira Sone logode harise Women’s +78 kg quarterfinals de.
Sailing de India 3 medal jetise
Friday din India pora sailing de 3 medal loise. 49er FX Women’s event de Varsha Gautham aro Sweta Shervegar pora silver loise aro Open Laser 4.7 de Harshita Tomar pora bronze loise. 49er men’s event de Varun Thakkar Ashok aro Chengappa Ganapathy Kelapanda pora bronze loise. Indonesia National Sailing Centre de 20-sal Varsha aro 27-sal Sweta melikena 15-race de 40 score kora thakise. 16-sal Harshita 12-race de 62 total pora third de kothom hoise. Open Laser 4.7 de Govind Bairagi fourth de kothom hoise aro Laser Radial Sailing event de Nethra Kumanan fifth jaga de kothom hoise.