NEW DELHI, SEPTEMBER 3 : Delhi Sorkar te Cabinet Minister nemite thaka Gopal Rai pora tai kan Aam Aadmi Party (AAP) kan Congress Party ke mela-mele nakuribole kotha janaise. Etubi aha sal 2019 Lok Sabha Elections te.
Tai koise etu Grand Alliance nemite mela-mele kuribole karne toh Electorate Votes hisabte sabo. Tai bi tai kana Party laga asul babuna toh ami kan desh te ekjun manu hisabte hi sorkar aro kanoon julabole kura (Dictatorship) adat toh hataidebole kuri ase. Etubi BJP Party laga adat. Kele etu porahi ami kan desh aro Delhi Sorkar laga bhal (development) toh ahkete anedebole aro jabole nabara hui kena ase koi kena. Aro ami kan desh laga Capital Delhi toh etu porahi diktar bai ase aro dukh bai ase koi kena janaise.
Tai etu karne Grand Alliance nemite edia dak eku babuna nai. Aro tai kan election nahua dak eku mela-mele kuribole babuna nai. Aro tai kan kun party ke mela-mele kuribole ase etu toh bejete hi asti pora sabo koi kena janaise. Huilebi tai kan laga asul babuna toh pakka-pakki Modi Sorkar toh hataidebole kuri ase. Aro tai Party toh kinika huilebi BJP Sorkar toh hataidebole kuri ase koi kena tai khobor te janaide thakise.
Add Comment