Agencies, 01 August: 2020/21 edition of Belgian Pro League toh aha hapta August 8 te suru hobo. Etu khobor toh league para janaideya laga ase. Belgian football league toh ekta first thakise March te coronavirus pandemic nemide cancel kora.
Europe te besi phak football leagues para stoppage bechide aro suru korise. Belgian officials para season toh kothom korideya thakise aro league leaders Club Brugge ke toh winners nemide naam kora thakise.
League table te sobse neji jag ate thaka Waasland-Beveren ke toh demote korise aro appeal bechide top-div ision te korai anishe. Etu manae Belgian top-division te etu season 18 teams thakibole ase aro etu agae usual te shaijaile 16 thakise aro kondu team ke hoilebe second-tier te demote kora nai.
Louvain aro Beerschot toh 16 tusara team logode top-tier te join hobole tuita teams ase.
Poila 2020/21 season of England’s Premier League toh etu sal September 12 te suru koribole ase kowa thakise aro final matchday toh May 23, 2021 te lobole ase kowa thakise. Olob samai bechide 2019/20 editions of UEFA Champions League aro Europa League be pandemic nemide rokhaideya thakise aro etu toh August te kothom koribo aro final scheduled toh August 23 te thakibo.
Add Comment