2021 laga kunba moina tak COVID-19 pandemic chuli thakibo

SEPTEMBER 05,2020: All India Institute of Medical Sciences (AIIMS) director Randeep Guleria para Friday  din te   etu hudai  COVID-19 cases uthi thaka  samay te  COVID-19 pandemic toh   2021 tak  jabole  nishena  ase aro kunba moina tak chulibole nishena ase.

Guleria, Centre’s special task force COVID-19, laga key member koishe ki    India laga  covid  cases laga  number  toh kunba  moina  nimete uthi t hakibo   namaana akhe te.

India Today logote  interview diya samay te  Guleria koishe “ami khan kubole napareh    ki etu pandemic toh 2021  te jabole  ase koikena    hoilebi ami khan kubo pareh   ki etu  curve toh namijabo      nuutha nohoikena.”

Tai koishe”ami khan kubole pareh ki etu  pandemic  toh    aha sal olop akhe te khotom kuribole nimete.”

Tai ke hudah samay te  kile  COVID-19 curve toh namaneh koikena  AIIMS director koishe ” COVID-19 infection  toh etia India  te pheli ase   aro   chotu jaka  aro rural areas te punchi ase.etu nimete   numbers toh uthi ase.”

Tai koishe “population toh saikena      cases laga number toh aro bi uthibo  kunba moina nimete komti nohoa akhe te.”

Desh laga   kunba jaka te  COVID-19 cases, te dikha ase koikena  Guleria koishe  ‘etu nimete alag  alag  factors khan ase      etu te ekta toh ami khan laga testing  capacity  ase   bishi uthi thaka nimete.”

“ami khan etia   komti hoilebi million test nishena  hudai din  loi ase.aro areas kuntu te ami khan bishi test   loi ase   ami khan aro bi bishi cases olabole nishena ase.

Duniya te  covid-19 thaak te hudah samay te  AIIMS director   koishe “etu te   bishi wala vaccines khan ase etu te India te tinta  kuntu toh etia advance stage te ase   development  nimete.”

Tai aro koishe  ki “judi sob thik thak jaishe  koile toh  etu toh  etu sal   khotom nohoa akhe te tayari thakibo.”

AIIMS director  para infection laga risk te kotha kura samay te koishe  enika  samay   aro  bi  infection hobole  nimete concern nohoi.

Tai koishe “etu te data khan  thik thakase  kun tu para dikhaishe ki antibodies ek bar bonaishe koile toh ekta  covid patient  uporte  etu para manu ke bacha bole paribole  aro bi infection nahobole  nimete  komti hoilebi  tin  nohoile toh choi  moina samay te.”

Tai  koishe  “ nou  nohoile toh  12 moina te ki hobole ase etu toh sabole lageh.”