Agencies, 23 July: World Health Organisation (WHO) koise, COVID-19 vaccinations jolabo nemide early 2021 nahowa tak bhabona koribole naparibo. Etu state ola toh 150 opor COVID-19 vaccines toh alak alak stages laga development te thaka samai te ase.
WHO’s emergencies programme laga head Mike Ryan koise, “WHO toh phal vaccine debole ensure koribo nemide kaam kori ase. Ami khan phal progress kori ase. Alak alak vaccines toh etiya phase 3 trials te ase aro etiya tak safety nahoile immune response te fail howa nai”.
Tai koise, “Manu khan ke vaccine powa suru nahowa agae te hosha toh aha sal laga first part te thakibole bhabona ase”.
Ryan koise, WHO toh kaam kori ase potential vaccines dangor koribole aro production capacity othibo nemide. Tai koise, “Ami khan etu opor te fair hobo laki kelay koile etu global good nemide. Etu pandemic nemide vaccines toh wealthy nemide nai, poor nemide nahoi. Etu toh sob manu nemide ase”.
Add Comment