Agencies, 28 December: 2021 te jarta eclipses thakibole ase. Ekta pura solar eclipse aro ekta pura lunar eclipse thakibole melikena ase. Hoilebe tuita toh India para dekhibole ase. Etu khobor toh Sunday te Ujjain-based Jiwaji Observatory’s Superintendent Dr Rajendraprakash Gupt para koise.
Tai para PTI ke etu laga first events toh May 26 te thakibo aro West Bengal laga part, coastal Odisha aro north-eastern states te dekhibo koise. Hoilebe Sikkim te charikena. Kelay koile moon toh desh laga tusara jaga te charikena etu jaga te joldi dekha toh thakibole howa nemite.
Tai para mathi (earth) toh etu astronomical event samai te moon para 101.6 percent bondh koribo koise.
Pura lunar eclipse howa toh mathi te sun aro moon majote aha samai te hoi koise.
Gupt para June 10 direk annular solar eclipse toh India te nadekhibo koise aro etu event te, moon toh sun aro mathi majote ahibo aro sun te cover kora toh 94.3 percent hobo aro ‘ring of fire’ dekhibo koise.
Tai para November 19 te partial lunar eclipse toh Arunachal Pradesh aro Assam laga konbah jaga te olob samai nemite dekhibo koise.
Tai para be etu event te, 97.9 percent moon toh mathi laga shadow para bondh koribo koise. December 4 te total solar eclipse toh 2021 laga last hobo hoilebe etu toh India para nadekhibo koise.
Etu sal tuita solar aro jarta lunar eclipses thakise.
Add Comment