New Delhi, 18 December : 2025 tou Indian box office karone ekdom roller-coaster saal asey. Action thriller, romantic drama pora animated film tak, bohut dhoroner cinema theatre te release hoise.
Chhaava aru Saiyaara nisina film sob unexpected blockbuster hoi jaise, theatre pura bhori dise. Kintu dangor star thaka picheteo Thug Life box office te ekdom dhukhi fail hoise.
Saal sesh 2025 laga biggest hits aru flops khan ekbar sabo.
2025 laga Biggest Hits
1. Dhurandhar
5 December te release hoa Dhurandhar 2025 laga dangor hit film sobor ekta. Release pora loi box office te rule kori ase. Ranveer Singh aru Akshaye Khanna laga film tu first week tei ₹200 crore club te dhukise.
Film tou Aditya Dhar likha aru direct kora, aru cast te Sara Arjun, Arjun Rampal, Sanjay Dutt adi thaka ase.
2. Chhaava
Vicky Kaushal aru Rashmika Mandanna laga Chhaava saalar dangor hit film khan ekta.
Laxman Utekar direct kora itu action epic tu ₹120 crore budget te bonise aru ₹807.91 crore worldwide collect korise. India te net collection ₹601.54 crore, industry tracker Sacnilk hisab te.
3. Saiyaara
Ahaan Panday aru Aneet Padda laga romantic drama Saiyaara box office te dhum machaise aru all-time blockbuster hoi jaise.
Mohit Suri direct kora film tu approx ₹60 crore budget te bonise, aru ₹569.75 crore worldwide aru ₹329.2 crore India te collect korise.
4. Coolie
Lokesh Kanagaraj laga action thriller Coolie, Rajinikanth starring, ekta massive commercial hit ase.
₹350 crore budget te bonise aru ₹518 crore worldwide collect korise. India te net collection ₹285.01 crore.
Ashwin Kumar laga animated action film Mahavatar Narsimha bhi dangor hit hoise.
₹10–15 crore budget te bonise film tu ₹325.74 crore worldwide aru ₹250.29 crore India te collect korise, Sacnilk hisab te.
2025 laga Biggest Flops
1. Emergency
Kangana Ranaut laga directorial debut Emergency box office te bomb hoise.
₹60 crore budget te bonise aru matro ₹23.75 crore worldwide, jimanor pora ₹18.35 crore India te.
2. Thug Life
Mani Ratnam direct kora Thug Life, Kamal Haasan, Silambarasan TR aru Trisha Krishnan starring, flop hisab te count kora hoise.
₹300 crore budget thaka picheteo film tu production cost recover koribo parianai. India te ₹48 crore aru worldwide ₹97.25 crore collect korise.
3. Azaad
Aaman Devgn aru Rasha Thadani laga debut film Azaad box office te ekdom bhal perform koribo parianai.
Worldwide ₹8 crore aru India te ₹6.35 crore collect korise.
4. Loveyapa
Junaid Khan aru Khushi Kapoor laga romantic drama Loveyapa bhi flop hoise.
₹50 crore budget te bonise aru matro ₹8.85 crore worldwide, India te ₹6.85 crore earn korise.
5. The Bhootnii
Sanjay Dutt aru Mouni Roy laga horror-comedy The Bhootnii audience attract koribo parianai.
Film tu ₹11.3 crore worldwide aru ₹9.57 crore India te collect korise. Film tu Sidhaant Sachdev direct kora, aru cast te Sunny Singh, Palak Tiwari adi bhi ase.
Add Comment