21-yr-old allegedly mari kena muirai dishey

AGARTALA, SEPT 13: 21-year-old youth ekta mysteriously murishey tai laga 18-year-old lover logotey polai jai kena shadi kuribo na para pichey. Etu hathsa Tripura laga Gomati District nichey Amarpur subdivision tey Chelagang tey huishey. Muri jaa – Goutam Das kuina chiniya – laga family members khan allege kurishey ki tai ke police khan para bishi piya para marishey kuntu toh end tey tai la death tey lead kurishey.  Etu issue opor tey kotha kurina, SDPO Amarpur Debanjali Roy kuishey, “September 08 tey, etu muri jaa manu aru tai morom kura maiki eki logotey polaishey. Etu same rati etu maiki Purnima Banik (18) kuina identify kura la family members khan ekta missing complaint lodge kurishey Natunbazar police station logotey. Police khan tai khan laga locations toh ekdum juldi trace kuribo parishey aru tai khan ke South Tripura district laga Harina area para othaishey. Dui jun ke bi Natunbazar police station tey vapas anishey September 09 morning tey.” Police laga hisab tey, maiki ke pai loa pichey, case toh withdraw kuri loishey aru maiki laga family members khan etu mota laga khilaf tey iku legal action lobole mana kurishey. “Etu girl aru boy tai khan nijor ghor jaishey tai khan laga amma baba khan logotey kile kuile kunbi iku police case file kuri bole tara-tari na thaka para. Hoilebi, Wednesday din tey, ami khan information paishey ki etu mota etu case tey mili kena thaka toh muri jaishey. Ami khan spot tey jaishey aru family members khan ke convince kurishey tai la gao la post-mortem examination ekta kuri bole dibole.  Etu hisab tey he, charta (four) doctors la panel ekta para etu examination toh loishey ekta executive magistrate laga presence tey,” Roy para EastMojo ke kuishey. Local sources khan kuishey ki etu chokra toh police lock up tey biya torture tey dhalishey aru pichey Monday tey loa ekta local arbitration (negotiation) meeting tey tai ke aru marishey. Principal opposition CPIM laga youth wing DYFI laga delegation ekta juldi kurina Amarpur jaishey Thursday din tey. Etu opposition party laga activists khan police officials aru  bereaved family khan ke bi lok kurishey. “Family members khan allege kuri dishey ki tai toh police station tey torture huishey Sabroom para tai khan vapas aniya laga din he. Monday din tey, tai local BJP leaders khan para physical assault laga alak round ekta aru face kurishey. Village committee laga chairman para etu family ke ekta arbitration meeting karne matishey tai laga ghor tey. Etu biya physical assault toh tai laga unfortunate death la reason hoishey,” DYFI state secretary Nabarun Deb EastMojo ke kuishey.