AGENCIES, 08 DECEMBER: India toh ekta “great power” aro ekta “time-tested” friend hisab te koikena, Russian President Vladimir Putin para Monday te tuita desh majote terrorism, drug trafficking aro organised crime toh common challenges lok powa hisab te koise.
Prime Minister Narendra Modi logote kotha kora samai Putin para be Afghanistan te developments opor te monchinda kora koise aro koise India aro Russia toh region te major challenges loi pai thaka te coordinate kori thakibo.
PM Modi para COVID-19 pandemic samai te abroad te Putin tui par lok kora para tai laga personal commitment India-Russia ties te dekhae koise aro tuita sides majote special aro privileged strategic partnership toh gara hoi thakise koise.
Russia’s President Vladimir Putin para PM Modi ke Russia te invite korise. 2022 te 22nd India-Russia Annual Summit nemite.
Tuita leaders para be tuita desh majote COVID para dekthari thakise koilebe ‘Special and Privileged Strategic Partnership’ te progress hoi thaka te kushi janaishe.
Kotha kora te International North-South Transport Corridor (INSTC) para connectivity laga role aro proposed Chennai-Vladivostok Eastern Maritime Corridor figured te thakise.
Tuita leaders para be Rusia laga alak alak regions besi phak Russian Far East aro India’s states majote inter-regional cooperation agae koribole shaise.
Tuita desh majote common viewpoint aro concerns toh Afghanistan opor te share koribole manishe aro Afghanistan te consultation aro cooperation nemite NSA level te bilateral roadmap ola te kushi janaishe.
Tai khan para note korise tuita sides para commn positions toh besi international issues te share kora aro multilateral for a- UN Security Council te be melikena agae cooperation gara koribole manishe.
Ekta melikena statement te tuita sides para peace, progress aro prosperity nemtie partnership para bilateral ties laga prospects aro state te thek cover kori koise.
Putlin para PM Modi ke India laga non-permanent membership UN Security Council te thaki thaka opor te congratulare korise aro 2021 te BRICS laga Presidency kamiyab nemite. Aro Prime Minister Modi para Russia te jai thaka Arctic Council laga chairmanship nemite congratulate korise.
Lok kora te besi government to government agreements aro MoUs aro tuita desh majote commercial aro organisations te be signed kora thakise. Etu toh alak alak sectors- trade, energy, science and technology, intellectual property, outer space, geological exploration, cultural exchange, education nesana te.
