24 gonda pithor 3,000 notun Covid cases khobor

April 29, 2022: India te 24 gonda pithor te khomti hoilebi 2,927 notun coronavirus cases thurishe, etu melaikena itya virus bemar toh 4,30,65,496 pongchina ase koishe. Union Health Ministry laga khobor hesab te active cases toh 16,279 te aro othishe. Wednesday din India laga desh pura te 32 manuh coronavirus bemari para mora khobor paishe, etu melaikena India te covid bemar para manuh mora toh sob melaikena itya 5,23,654 hoishe. Bemari sob melaikena active cases toh 0.04 per cent te ase aro etu samai the national COVID-19 recovery rate toh 98.75 per cent hoishe, koikena khobor toh ministry para janaishe. 24 gonda pithor te aro 643 cases melaikena itya laga active COVID-19 caseload te samil korishe, koikena khobor para aro janaishe. India laga COVID-19 tally toh August 7, 2020 darik te 20-lakh hoishe, August 23 darik te 30 lakh hoishe, September 5 darik te 40 lakh aro September 16 darik te 50 lakh pongchise. Etu jai thakina September 28 darik te 60 lakh hoishe, October 11 te 70 lakh, October 29 darik te 80 lakh, November 20 darik te 90 lakh hoishe aro December 19 darik te one-crore pongchise. India te 2 crore toh jowa saal May 4 darik te pongchise aro June 23 darik te 3 crore pongchise.