24 gonda pithor 913 notun cases aro 81 mora khobor

NEW DELHI: Monday din India te 913 notun COVID-19 cases aro etu laga bemari para 81 jun mora khobor paishe. Virus bemari para 13 jun mora melaikena itya desh te 5,21,358 manuh morikena ase, koikena Union health ministry para khobor toh junaishe. Union Health Ministry data hesab te active cases toh 13,013 te lamishe aro bemari sob melaikena 0.03 per cent te ase. Itya recovery rate toh 98.76 per cent te ase koikena ministry para aro janaishe, etu oper te daily positivity rate toh .24 per cent te ase. India te itya dak 184.61 crore vaccine doses oper thikena ase, koikena Co-WIN dashboard hesab te khobor toh janaishe. India te virus bemari otha toh 2020 saal August 23 darik te 30 lakh hoishe, September 5 darik te 40 lakh aro September 16 darik te 50 lakh pongchise. Etu jai thakina September 28 darik te 60 lakh hoishe, October 11 te 70 lakh, October 29 darik te 80 lakh, November 20 darik te 90 lakh hoishe aro December 19 darik te one-crore pongchise. India te 2 crore toh May 4 darik te pongchise aro June 23 darik te 3 crore hoishe.