Imphal, 28 October : Assam Rifles para ekta dangor cross-border smuggling kosis nakaam kuri dishey 24 aaropu smugglers ke dhuri luina 52.1 tonnes nishina areca nuts (Supari) logot kuntu approximately Rs. 6.25 crore tak laga daam asey regional bazaar dey, 12 Shaktiman trucks dey load kurina thakia Saturday dey seize kuri luishey.
Ekta defense wing statement kuishey ki 24 jun total kun drivers/co-drivers thakishey Manipur laga Kamjong Districtaga General Area Phaikoh kuntu Myanmar ke East dey border kurey tatey dhuri luishey Saturday subhaa dey.
Itu truck khan toh International Border para ahi thakishey Indian Side para.
Intelligence inputs hisab dey Assam Rifles laga troops para operation khan launch kurishey aro aaropri smugglers ke dhuri luishey seized kuria samaan khan logot.
Dhuri lua smuggler khan gaari khan logot Forest Department ke dishey, Kamjong agey legal proceedings karney, itu statement halishey.
Add Comment