July 20, 2024: Friday din deh 260 nishi nah manu kan Bangladesh keh cross kuri nah India deh ahi shae. Tateh para 13 jun tho Nepalese nationals taki shae. Neighboring country deh violent protest hua tho manu kan land border keh par kura shuru hui shae aro itia tak tho 500 laka upor manu kan cross kuri nah ase.
Friday din deh total 245 Indian nationals kan Bangladesh keh cross kuri shae, West Bengal deh taka Gede immigration check post jaka deh. Tateh para 125 jun tho students kan taki shae aro 13 jun tho Nepalese nationals kan taki shae.
Thursday din deh aro alak 202 Indian nationals kan Meghalaya deh taka Dawki check post deh cross kuri shae. Tateh para bishi wak manu kan tho students kan taki shae. Etu check post tho 101 nishi nah Nepalese citizens aro satha Bhutanese nationals kan chui shae, Bangladesh keh chari bo karne, manu kan para kui shae.
Gede laka rasta para jah 13 Nepalese students laka travel tho Dhaka deh taka Indian high commission para arrange kuri shae, manu kan para kui shae.
Bangladesh laka cities kan deh itia violent protest kan hui ase. Etu protest kan tho government job quotas laka upor deh ase. Protestors kan police aro pro-government students group lokot deh clash kura tho 30 laka upor manu kan muri jai shae aro ekso laka upor manu kan jokom kai shae.
