Uttar Pradesh, 27 December 2024: Ekta 26 saal mota kun tai nijor ke julai dishey December 25 te Parliament laka osor te muri jaishey treatment lwa time te RML hospital te Friday din te, officials khan pra janai dishey.
Wednesday din te, Uttar Pradesh, Baghpat pra Jitendra tai nijor ke jula boleh koshis kuri shey nutun Parliament building osor te, tai laka body te petrol nishina saman hala pichideh. Jui toh mutai dishey security personnel khan laka madat pra kun khan parliament laka osor te deployed thaki shey. enika hoina taike RML hospital te loi jaishey aro burn wards te admit kuri dishey.
Initial investigation laka hisap pra, mota toh extreme steps loishey, Baghpat te kunba manu khan lokot jakara hwa karne. Tai laka ghor manu kha duita case face kuri ase assault laka alak family khan lokot te taikhan laka bosti te, etu laka opor te tai apsus thaki shey, police pra koishey.
Hospital authorities khan laka hisap pra, tai 95 percent burn injuries suffered kuri shey aro Friday din 2.23am te muri jaishey. Mura laka cause toh burn shock ase inhalational burns nimite, 95 percent Suffcent second-degree deep dermal burns karne, authorities khan pra enika koishey.
Police officer pra koishey ki Jitendra laka body toh ghor manu khan ke d dishey post-mortem hoi kina.
Add Comment