2,869 wild jaanwar ke traffick kurina murai dia karoney 6,960 poachers arrest kurishey

Odisha, 27 August : 6,900 poachers logot bishi ke arrest kurishey, jaa 10 saal dey 2,869 wildlife jaanwar ke traffick kurina aro murai dia karoney, Forest, Environment aro Climate Change Minister Ganesh Ram Singkhuntia para Odisha Assembly ke Tuesday dey kuishey. Congress legislator Taraprasad Bahinipati laga ekta sawaal ke jawaab di thakia homoi, itu minister para kuishey kk law enforcement authorities para jaa 10 saal dey 6,960 poachers ke arrest kurishey aro taikhan laga haat para wild janwaar laga alag body parts seize kurishey, skins, nails aro tigers, beer, deer, sambar laga horns aro alag wild lives, elephant tusks, aro pangolins milaina. Kitia itu seized elephant tusks ke state government laga treasury dey rakhi asey, alag seized items ke forest range offices dey preserve kuri asey. Government para ekta joint task force form kurishey, kutey forest aro police departments laga officials asey kun itu wild animal poaching cases ke examine kurina necessary steps luwo. Wild animals ke taikhan laga natural habitat dey protect kuriboley, 19 sanctuaries, one national park, tuita tiger reserves, three elephant reserves aro ekta biosphere reserve state dey constitute kurishey.