Sports

2nd half te 21 down, Hawks tou Bucks agey jaishey

February 8, 2025

Milwaukee, 8 February : Mouhamed Gueye laga first career double-double pora short-handed Atlanta Hawks ke Friday te visiting Milwaukee Bucks uporte 115-110 laga win te lead korise.

Gueye ke extended minutes kheliyobo laga chance paise, karon trade deadline te Atlanta add kora players kan available no thaikena ase. Gueye laga season-high 15 points aru career highs rebounds aru blocks te Hawks ke second-half te 21-point deficit overcome koribo madat korise.

Fourth quarter laga last te Gueye duita free throw aru ekta dunk marise juntu 6-0 laga stretch te Hawks ke 112-105 laga lead diase, baki 1:49 minute thakite. Milwaukee, juntu pichla 6 game pora 5 harise, 4 points pora beshi close anibo parena. Atlanta laga season series 2-1 ase, aru duita team March 4 te Atlanta te abar khilibo.

Atlanta laga Trae Young 24 points aru 7 assists add korise, aru 34 seconds bachi thakite ekta key steal marise. Dyson Daniels 15 points aru 10 assists dibise, Onyeka Okongwu 14 points aru 12 rebounds collect korise, aru Vit Krejci 11 points aru 10 boards contribute korise.

Milwaukee Bucks laga star player Giannis Antetokounmpo third straight game te nai thakise. Bucks ke Bobby Portis laga 26 points aru 15 rebounds aru Damian Lillard laga 23 points, 9 rebounds aru 10 assists lead korise. Gary Trent bench pora uthikena 5ta 3-pointer marise aru 19 points dibise. Kyle Kuzma, Milwaukee debut te, 12 points aru 7 rebounds contribute korise.

First quarter te Hawks 52 percent field pora score korise aru 36-26 laga lead loise. Atlanta 41-29 lead te thaikena Young laga 3-pointer marise 10:02 te, kintu Bucks 44-14 outscore kori halftime te 73-55 lead loise.

Third quarter te Milwaukee 76-55 lead korithakite, Hawks ekta 33-12 run korikena game ke 88-all te tie korise. Hawks Gueye laga turnaround shot pora lead regain korise aru 92-90 laga lead te fourth quarter te gusise.

Duita team Saturday te back-to-back game complete koribo. Atlanta ekta three-game road trip Washington Wizards te start koribo, aru Milwaukee Philadelphia 76ers logot ghar te khelibo.