2nd Nagaland Women Futsal League 2026 Loboley Asey, 11th – 16th May Tak Nimitey, I.G. Stadium, Kohima Tey

April 19, 2026: Itu Youth Resources aru State Department  Nagaland Government para itu Nagaland Football Association logotey collaborate kuri kena, itu 2^nd Nagaland Women Futsal League 2026 organise kuriboley asey, 11^th para 16^th May, 2026 tak nimitey, I.G. Stadium, Kohima tey. Itu Department aru Nagaland Football Association laga official khan majetey ekta coordination meeting loishey, 17^th April, 2026 tey, modality khan discuss kuriboley, aru itu league laga smooth para conduct kuriboley karney. Ith league toh hoiley maiki khan laga participation promote kuriboley aim kuria laga asey, sports tey aru ekta competitive platform provide kuriboley aspire kuria futsal player khan nimitey itu State bhitor tey. Tatey pura puri prize toh hoiley Rs 2,00,000 toh hoiley earmark kurishey itu tournament nimitey, kuntu tey toh hoiley award the thakiboley asey Best Player khan, Best Defender, Best Goalkeeper, aru alag recognition khan nimitey. Itu League laga opening ceremony toh hoiley 11^th May, 2026 tey loboley asey, itu venue tey. Itu league tey participant khan toh khali 10 team khan hey thakino paribo koishey, aru select kuria team khan toh hoiley kun poila ahibo tai ke hey loboley asey, koi asey.