Shimla, July 5 2025: Bishi pani ghira Himachal Pradesh te biya situation banai dishe. Official manu Saturday din koishe ki pura state te 260 pora besi road bondh ase, juntu te Mandi district te 176 road bondh ase.
Local weather office ekta ‘red’ alert issue kurishe Kangra, Sirmaur aru Mandi district karone Sunday din bishi jor pora pani ahibole karone. ‘Orange’ alert bhi issue kurishe Una, Bilaspur, Hamirpur, Chamba, Solan, Shimla aru Kullu district te kunba jagah te pani bishi ahibole warning dishe.
Ek din te 115.6 mm pora 204.4 mm pani ahile etu bishi pani ghira laka koi, aru 204.4 mm pora upor te ahile etu bishi bishi pani buli koi.
Last year bhi Himachal Pradesh te monsoon pani bishi pani pora dangor damage hoishe aru 550 manu morishe. Etu sal bhi weather department warning dishe ki landslide, flash flood, pani jama, aru ghor, kheti aru important service khan damage hobo pare. Manu khan ke nodi pora aru risky jagah pora dur thakibole advise dishe.
State Emergency Operation Centre (SEOC) koishe ki estimated loss ₹541 crore ase. Kintu Chief Minister Sukhvinder Singh Sukhu koishe ki loss hoile ₹700 crore logote jabo pare, karon detail report ahi ase.
300 nishina power transformer aru 281 water supply line bhi affect hoishe.
Monsoon June 20 pora shuru hua pora 72 manu mora report hoishe, juntu te 45 manu pani karone hoishe, jimon landslide aru flash flood. Mandi district te sobse besi damage hoishe. 31 missing manu ke search kuribole kaam cholai ase.
Add Comment