Taiwan, 11 January : Taiwan dey three manu ke ekta hospital dey lui jaishey galti para colourful laundry detergent pods khaina kuntu ekta campaign freebie nishna distribute kurishey Taiwan laga presidential race dey, News.com.au report kurishwy. Itu pods toh clear packaging dey wrap kurina thakishey Nationalist Party candidate Hou Yu-ih laga photo logot aro tai laga running mate.
Itu packages toh tuita chutu transparent packets thakia dikhi paishey red aro green liquids thakina aro kuishey taikhan itu para kapda eight kilograms tak dhulawo paribo. Itu dey aro purina thakishey ki : “Number three ke president nishna vote kuribi tuike support kuriboley.”
Huilewi, kunwa manu khan itu pods ke mithai asey phabna kurina khaishey.
Hospitalised hua khan dey ekta 80-saal pura mota aro ekta aro ekta 86-saal puri mahila milaina thakishey kun khan ke taikhan laga pet ke flush kuria piche dey release kuri dishey.
Hung Jung-chang, Hou’s Chuanghua campaign office laga head para maafi mangushey itu ghatna karoney, kuishey ki office para “khobor disseminate” kuriboley kaam kuribo ki itu 460,000 laundry pods kuntu itu campaign para dishey, itu toh khawo karoney nahoi.
Tai para reporters khan ke bhi kuishey ki itu campaign office staff para itu three affected manu khan kun hospitalise huishey, taikhan ke visit kuribo. Mr Hung agey claim kurishey ki itu saaman khan laga distribution toh khotom huishey, aro itu khan toh aro produce nakuribo.
Su Ming-yao, ekta attending physician, Gastroenterology laga New Taipei Municipal Tucheng Hospital laga Department dey, kuishey laundry pods dey ekta surfactant thakey kuntu para heat ulawo parey pet dey ghusia piche dey.
Nausea, vomiting, aro diarrhoea toh sobse common effects asey laundry detergent pods ingest kuria laga. Bishi laundry pods dey ethanol, polymers aro hydrogen peroxide thakey, kuntu bishi toxic asey. Manu khan julti medical advice bisaribo lagey juti taikhan laundry pods khailey, Mr Su kuishey.
Notably, Mr. Hou toh governing Democratic Progressive Party laga William Lai aro Taiwan People’s Party laga Ko Wen-je khilaf pulai asey Saturday laga election dey.
Add Comment