New Delhi: Wednesday din te France para India te aro tinta(3) Rafale fighter jets putiashe koikena Indian embassy para janaishe. Etu toh Indian Air Force’s pithor te second squadron Rafale jets hobo. “tinta(3) Rafales Next batch toh France para India jaishe, pilots khan logot bhal para pongchiboli janaishe, koikena “France te Indian embassy para koishe. Notun batch pongcha beche, IAF laga Rafale jets toh 21 hobo. Rafale jets laga notun squadron toh West Bengal Hasimara airbase te rokibo. First Rafale squadron toh Ambala air force station te ase. Ekta squadron te 18 aircraft neshina ase. India para France logot September 2016 te inter-governmental agreement signed korikena ase etu samai 36 Rafale fighter jets toh Rs 58,000 crore para kenishe. First batch te 5 Rafale jets toh jowa saal July 29 darik India ponchise. Fifth batch toh April 21 te ponchise. Jowa moina Chief of Air Staff Air Chief Marshal RKS Bhadauria para France visit kora samai baki Rafale aircraft toh India logot thiboli kotha koikena ase.
November 17, 2024
World's First and Only Nagamese Newspaper
Add Comment