“30,000 Crore Estate Fight: Karisma Kapoor laga bacha aru Priya Sachdev Majote Dangor Case”

September 10, Wednesday – Late industrialist Sunjay Kapur laga ₹30,000 crore estate upor legal fight dangor hoi ase. Karisma Kapoor laga bacha aru Priya Sachdev (Sunjay laga bibi) majote thaka case etiya Sunjay laga ama Rani Kapur bhi join kori loishe. Etu battle etiya toh three-way legal war hoishe

Karisma laga bacha Samaira aru Kiaan Delhi High Court te case file kori ase. Taikhan Priya Sachdev ke accuse kurishe ki Sunjay laga will “forged aru conceal kuridishe.” Taikhan demand kuriase rightful one-fifth share estate te aru seek kuriase assets khan sob te freeze kuribole .  High Court Priya ke order dishe complete list Sanjay Kapur laga assets khan disclose kuribole tai mora din te para(June 12, 2025).

Priya however defend kurishe, koi ase ki suit maintainable nohoi. Tai laga lawyer koishe ki Karisma laga bacha khan already assets khan receive kuriloishe worth ₹1,900 crore Rani Kapur Trust para. “Kiman enough?” lawyer question kurishe, koi ase ki will original aru valid ase.

Etiya Sunjay laga ama Rani Kapur bhi claim kuriase ki tai ke toh eku bhi dianai.Tai koishe ki tai laga ₹10,000 crore worth asset missing ase aru bishi document chupai kina rakhina ase. Tai suspicion uthai dishe ki ₹500 crore Sona Comstar share sell kurishe bina tai laga knowledge para.

Rani Kapur laga lawyer Senior Advocate Vaibhav Gaggar koishe ki “real fight” Karisma aru Priya majote ase. Court next hearing fix kurishe October 9, 2025 te.