US, 9 November : Ekta 32-saal mahila United States dey golee marina murai dishey ekta ATM julai thakia homoi Chicago dey, ekta pair para kun alag armed chori dey link asey. CBS News hisab dey, itu mahila, kun ke Jonnie Angel Klein kuina jaani paishey, tai ekta Chase bank ATM dey thakishey kitia taike golee marina murai dishey Saturday dey. Tai ke golee marishey itu brazen attack dey kitia tai puisa ulai thakishey, police kuishey.
Tuita shaaks, 22-saal Tamara Jailynn Johnson aro 23-saal Jason Jerry Joseph Johnson, ke arrest kurishey ekta investigation piche dey South Suburban Major Crimes Task Force para, itu outlet report kurishey. Taijun ke bhi first-degree murder dey charge kurishey, police kuishey. Wednesday dey, ekta court hearing dey, prosecutor khan para bhi kuishey ki itu shaaks toh itu jagah phaney chor kuria khan dey connected asey.
“Bishi pandook hatiyar khan dhurishey, kuntu para ekta hatiyar toh itu homicide fey julaishey kuina shaak asey” itu police chief kuishey, New York Post hisab dey.
Itu 32-saal mahila toh ini puisa ulai thakisheh ekta ATM dey tai laga bills derawoley kitia taike golee marishey aro murai dishey tai laga khantan kuisheh CBS News ke. Ms Klein toh bishi kaam kuri thakishey tai laga bacha tuita ke paliwoley. Tai laga bimar ama ke bhi tai para hi sai thakishey, kun cancer logot ladai kuri thakishey.
“Tai laga ama, bhai, maiki bacha, mota bacha khan karney bishi dukh asey. Toh, itu sawoley bishi afsos aseg,” khantan para kuisheh, halishey, “tai toh muikhan khatan laga hotai roshni thakishey, tai laga ama, bhai aro bacha khan ke sai thakishey.”
Prosecutors kuishey ki itu shaaks khan ekta laal nahuiley orange raang laga Lexus gaari julai thakishey kitia taikhan Ms Klein laga osor julaina jaishey kun puisa ulai thakishey ATM drive-through para. Ekta CCTV para dikhaishey ekta shaaks Ms Klein laga gaari osor jaa driver laga side window para kutey ekta diktari thakishey. Itu mahila ke chaati dey golee marishey aro piche dey tai laga gaari dey nahilina thakishey, police kuishey.
Police itu piche dey ekta investigation launch kurishey aro ahia din dey tuita shaaks ke arrest kurishey. Itu arrest kuri thaki homoi taikhan bishi pandook paishey- kutey ekta toh Klein ke golee marina murai dia dey julaa laga thakishey. Tuita shaaks ke itia bail nathakina dhuri asey. Taikhan laga next court din toh November 28 dey asey.
Add Comment