October, 2. 2020. Nepal government para fesla ekta junai thishe ke, October 17 darik para international flights aro kola bechete, tourists khan nemite 7 din quarantine kori thaka toh hatabole koishe. Ministry of Culture, Tourism aro Civil Aviation para foreign tourists khan ke Covid-19 nemite instant antigen test lobo kam koriase. Etu test toh foreign tourist khan ke Tribhuvan International Airport te lobo ase, koikena Himalayan Times para khobor toh junai thishe. “tourist khan kaun hath te negative polymerase chain reaction (PCR) test report thakibo, tai khan logot antigen test lowa beche jabole thibo”, etu khobor toh officials para kowa newspaper para janaishe. Tuesday din te, Ministry para hokom ekta bonaishe ke, bahar para foreigners khan aha samay hotel te sath(7) din quarantine koribo lage aro etu October 17 darik thak jai thakibo. “judi kam toh bhapana kora hesab te bhal para jaile, Nepal toh October 17 darik para tourism pura koli thibo, official para koishe. Department of Tourism laga officials para Ministry logot boila para mountaineers logot permits nathiboli koikena ase, judi hosari hokom toh manile, Covid-19 insurance $5,000 lobo aro ek hafta quarantine te thakibo. Etai dak Nepal te coronavirus bemari cases toh 79,728 te ase, Thursday din te 1,911 motun cases paishe, koikena Himalayan Times para khobor toh koishe. Etu oper te 11 notun manuh mora khobor ase. Nepal te sob melaikena 509 manuh morikena ase koishe.
Add Comment