Tuesday din Governor P. Sathasivam logode jammu and Kashmir laga 36 young guests thakishe. Tai khan toh ‘Bharat Darshan’ nemide ahha ase aro tai khan logode CRPF para ‘civil action programme’ laga part hesab deh annishe.
Etu programme toh Jammu and Kashmir jaga laga students khan, jaga sabole opai napai kena thaga ke opai debole laga ase. Etu student khan toh tai laga state para pahar ek-par be jabole opai napai kena thaga ase. Tai khan khali Urdu kotha he koi.
Srinagar, Budgam aro Baramulla laga students khan toh khali terrorism laga katharnak jehara he dekhise. Tai khan tusara jaga toh ek-par be dekhani. Etu para tai khan logode 4 din karni Kerala deh tourn nemide annikena ase.
Tai khan Thiruvananthapuram deh Var-kala aro Kovalam beaches debe jaise aro tai khan Kanyakumari deh agae jai ase. Tai khan city deh kunbah school debe jabole ase. Etu tin-ta district laga bosti manu khan toh tai khan laga bacha tour pothabole manishe aro bacha khan be etu deh manishe.
Tai khan toh olob mon dukh de ase, kelay koile tai khan khali Urdu kotha he janikena thaga karni. Hoilebe tai khan logode translate korikena motob de ase. Bharat Dashan programme nemide tai khan state deh ahha toh first time ase.
Add Comment