Nagaland

3rd Longleng District Inter Departmental Tournament Khotom Hoishey

11 months ago

April 11, 2025, 05:01 PM: Itu 3rd Longleng District Inter-Departmental Tournament toh hoiley 10th April 2025 tey para khotom hoi jaishey, Longleng laga indoor stadium tey. Itu President Phom Peoples Council (PPC), Y.B. Angam Phom para itu closing event tey special guest hisap thaki kena grace kurishey.

Itu special guest para tai laga address tey, koishey, sports toh hoiley ekta game para bhi bishi wala asey, itu sports para moi khan ke bishi bhal life lesson shikhai – teamwork, discipline, aru perseverance nishina. Aru itu para toh hoiley physical & mental resilience build kurey. Tai para participant khan ke acknowledge kurishey, itu bishi bhal teamwork laga spirit, Sportsmanship aru healthy competition khan nimitey. Kotey ekjon toh hoiley yaad rakhiboley lagey ki, jeeta toh hoiley sob kuch nahoi koi kena, hoilebi mon khushi para participate kuria toh hey asol asey koi kena, competition laga thrill thaki kena. Aru teamwork laga camaraderie toh hoiley sob toh jaroori asey.

Tai para khusi thaka laga express kurishey, itu sob participant khan ke, organizer khan aru volunteer khan ke, kun khan toh hoiley alchi nalagi kena kaam kurishey, itu event ke successful hobo pariboley karney. Itu dedication enthusiasm aru commitment thaki kena, sports ke promote kuri kena aru physical activity toh hoiley hosa para commendable asey. Tai para koishey eneka nishina event khan toh hoiley ekta dangor opportunity asey, government employee khan nimitey, ek jon ek jon ke janiboley karney, kuntu para toh hoiley aru bhi bhal kaam laga culture aru coordination aru bhi bhal para foster kuribo itu department bhitor tey. Aru healthy aru active lifestyle promote kuriboley. 

Itu para toh hoiley ekta positive impact bhi aniboley asey, itu department khan bhitor tey, future tey, tai para koishey.

Pura puri forty Department khan para itu tournament tey participate kurishey. Itu 3rd Inter-Departmental Tournament 2025 tey pura puri champion toh hoiley 12th NAP IR BN. Chingtok para jeeti loishey aru School Education Department para second tey ulaboley parishey.