Mokokchung, 09 October: Monday din 13th Imchaba Master Memorial Nagaland Open Volleyball Trophy 2018 toh Multi-purpose Indoor Stadium, Mokokchung deh suru hoise. Etu din deh inaugural (suru) match toh Defending Champion, Sakutemjen Memorial Club, Chungtiayimsen pora Lakhuni Sporting Club logode 3 (Three) straight sets jeti lowah thakise. Short speech time deh Patron, M. Bendangnukshi Longkumer, Sr. Advisor MCCI pora junideya field deh dangor naam bonabo karni life de discipline thakibo lagi koise. Tai Town laga public playground beya thaga de saijai kena playground toh eki logode meli kena bonabole janaise. Etu agae programme time deh, I. Tsukjempokba, Convenor, Planning Committee pora welcome address dese. Apex Group pora be dance routine kora thakise aro Marep Kids Choir pora Special Song kora thakise. Etu sal laga edition Trophy deh Eight Teams hesha loi ase.
Add Comment