Jammu and Kashmir, 4 January 2025: Four Soldiers muri jaishey aro three jun jokom hoi jaishey, Army truck ekta taikhan ke bhuki thaka control hari kina hill pra gira pichideh Jammu and Kashmir laka Bandipore district te, Saturday din te. Etu hatsa toh hoishey kicha driver gari laka control hari jaishey ekta sharp turning kura time te Sadar Koot Payen jaka osor te district te. Kunba soldiers toh critical jokom paishey.
Sop jokom pa soldiers khan ke local hospital te loi jaishey etu hatsa hoi kina. Hoileh b four soldiers toh muri jaishey, aro jokom pa three jun toh echa stable condition te ase treatment pai ase. Security forces aro police personnel khan thaki shey hatsa hwa jaka te. Furthers details rukhi ase. Etu first time nahoi enika hatsa army gari involved hoi kina hoishey Union Territory te.
November 4, 2024 te, ekta army personnel muri jaishey aro ekta jokom hoi jaishey kicha tai khan laka gari rasta pra skid kuri kina olai jaishey aro gorge te giri jaishey Rajouri district te.
Add Comment