Washington: December 2, 2020. New York para loikena US States group ekta para Facebook Inc logot antitrust violations nemite social media giant logot court case thiboli ase, koikena 4 khobor para Wednesday din te janai thishe. Etu saal pithor te Big Tech company logot complaint toh tui(2) paar wala ase. October moina te Justice Department para Alphabet Inc’s Google logot be case korikena ase. Etu court case te 40 states khan para sign korishe kowa khobor toh ekta source para nam nathikena koishe. Federal Trade Commission laga commissioners khan Wednesday din te lok korishe aro complaint toh law judge nohoile district court te file koriboli janaishe. States khan para complaint te ke thalibo khobor toh jana nai. Facebook kelaaf te kotha kowa toh horo saman be tangor para keni thaki, etu pithor te 2012 saal te Instagram aro 2014 saal te WhatsApp. Facebook Chief Executive Mark Zuckerberg para testimony te koishe, company te competitors besi aase aro dorusa tech giants khan be ase. Tai para Instagram aro WhatsApp ke support koishe ke, social media platform para tai khan chotu para tangor hoboli motob dey thaki.
2019 saal te Justice Department aro FTC para 4 tangor tech companies oper te antitrust investigations korishe, etu oper te Amazon.com Inc aro Apple Inc, be samil ase. Olop samai thaki-kena attorneys generals para Google aro Facebook logot be investigate kora soruhu hoishe.
Add Comment