Aizawl, May 06: 400 ghor kan damage huishey thunderstorm aro hailstorm ba aro etu logot deh strong hawa ba Mizoram laga alag alag jaga deh last week affect kurishey, officials kan ba koishey.
State laga northeastern part, Khawzawl district deh sobse biya ba affect kurishey, at least 128 ghor kan damage huishey toofan, pani aro ice gira ba, taikan ba koishey.
Khawzawl district laga Sialhawk village deh 68 ghor kan damage huishey ice gira ba, tadey panchta toh pura damage huishey koi ase.
Sialhawk laga Village leader kan ba koishey ki pineapple aro orange cultivation kan toh sob hail ba bhangai dishey.
Sialhawk, fruit kan laga major produce kura state toh etu saal deh maha komti harvest hubo koiase enaga kudrad laga kamal hui thakiley.
Komti ba komti koilibi, 55 ghor kan bi hailstorm ba damage huishey, Tlangpui village, Khawzawl district deh, official kan ba koishey.
Mizoram laga southernmost Lawngtlai district last week deh 200 ghor ba bishi kan ke thunderstorm aro hailstorm ba damage kuridishey. 78 ghor kan ke thunderstorm aro ice gira ba Thuithumhnar village, Lawngtai district deh affect kurishey. Mizoram laga Siaha district deh bi 69 ghor kan affect huishey, 40 ghor kan Aizawl district deh aro 29 ghor kan bi west Mizoram laga Mamit district deh affect huishey.
Friday aro Saturday deh community work kan organise kurishey village deh, damage huija ghor kan ke repair kuri boley.
Add Comment