Maharashtra govt para agricultural laws bonabo koishe

Mumbai: Olop din akhe te farm laws bona nemite, Maharashtra Minister aro Congress party leader Balasaheb Thorat para koishe ke, state te farmers khan para protest kori thaka nemite Maharashtra government para agricultural laws toh bonaboli janaishe. “Central government para tinta(3) black agricultural laws bona toh anti-farmer, anti-commercial ase etu nemite Maharashtra government para farmers khan laga faita te agriculture reform bill introduce koribo koishe. Etu bill toh ahi thaka monsoon session samai introduced koribo,” koikena Maharashtra Revenue Minister aro Congress Legislative Party leader Balasaheb Thorat para aji Mumbai te Sharad Pawar logot meeting kora beche janaishe. Revenue Minister Thorat logot lok kora beche aro Co-operation Minister Balasaheb Patil, Agriculture Minister Dadaji Bhuse, Minister of State for Agriculture & Co-operation Dr Vishwajit Kadam’s delegation logot 1 gonda neshina Nationalist Congress Party (NCP) President Sharad Pawar para state’s agriculture reform bill nemite kotha koishe. “Central government para etu bhal nemite ase koikena black agricultural laws introduced kora toh farmers khan nemite besi beya ase. Kaun manuh para hoilebi farmers khan laga saman toh simple PAN card para keniboli pareh, hoilebi etu samai mesa ase koile kaun para risk lobo? Etu kam sob toh government para Agricultural Reforms Bill bona samai janiboli lakishe. Sharad Pawar ji’s laga kam toh 10 saal oper besi bhal te jai ase,” koikena minister para koishe. National capital laga border te Farmers khan para jowa saal November 26 darik para etu tinta(3) farms laws- Farmers’ Produce Trade and Commerce (Promotion and Facilitation) Act, 2020; Farmers Empowerment & Protection) Agreement on Price Assurance aro farm Services Act 2020 aro Essential Commodities (Amendment) Act, 2020 kelaaf te protest kori ase. Etu saal January moina te Supreme Court para stayed order junaikena ase. Etu moina soruh samai, Bharatiya Kisan Union (BKU) leader Rakesh Tikait para koishe ke, national capital Delhi te farmers khan para central farm laws kelaaf te border osor protest kori thaka toh enay toh jarikena najaboli koishe.