Aligarh: Aligarh Muslim University te lethal novel coronavirus para bemar hoikena 20 din pithor te komti hoilebi 44 manuh morishe aro etu pithor te professors 26 jun samil ase, officials laga khobor hesab te notun variant bemar para mora suspect ase koishe. AMU laga Vice Chancellor, Tariq Mansoor para Indian Council of Medical Research (ICMR) logot varsity para samples toh loikena invstigate koriboli janaishe. Tai laga bhai be Covid-19 bemar para morishe koishe. Professors 26 manuh Covid-19 bemari para mora pithor te 16 jun kam kori thakishe aro 10 jun toh retired staff members thakishe koishe. Officials para koishe ke, VC’s para request kora hesab te university para samples toh collect korishe aro etu samples toh Delhi te CSIR Institute of Genomics & Integrative Biology te examine koribo nemite putaishe. AMU para ICMR logot letter te Covid samples te genome study joldi para loboli koishe, etu study para Covid-19 notun variant toh university te spread hoishe nai janibo koishe. Department of Post Harvest Engineering laga Prof. Mohammad Ali Khan, 60 umer, Department of Political Science laga Prof. Kazi Mohammad Jamshed, 55 umer, professor of the Department of Psychology laga Sajid Ali Khan, 63 umer aro Chairman of the Museum Department te Mohammed Irfan, 62 umer, etu manuh khan toh mora pithor te samil ase koishe.
Add Comment