August 04, 2024: Itu 46th Li- Ning Inter District & State Open Badminton Championship toh khotom hoishey, Police Complex, Chumoukedima tey, 03rd August, 2024 tey. Itu closing ceremony ke grace kuri kena, tatey special guest buhi kena, DGP, Nagaland, Rupin Sharma, IPS para koishey ki, Nagaland Police toh hoiley, hudai agey khara kuri kena asey, sports promote kuri kena, Nagaland tey. Tai para state kurishey ki, yatey bahl sportsmen khan lagi asey Nagaland tey. Tai para koishey sports toh hoiley khali jeeta ekla nahoi, hoilebi itu toh hoiley hariboley shikhoboley laga bishi asey, eneka hoiley he aru jeetiboley paribo. Itu Competition tey jeeta manu khan toh, nichetey di kena asey: Senior Mota khan laga Singles category tey: Winner-Riku Khape (Dimapur) Runner’s up – Hariom Dulait (Chumu). Senior Maiki khan laga singles category tey: Winner- Leimapokpam Diana (Chumu), Runner’s up- Mepulila Jamir (Mkg). Mota khan laga Doubles tey: Winner-Teichang Herie and Peramrisi Zeliang (Peren), Runner’s up- Vikhietuo Kense and Hitto Swu ( Kohima/ Shamator). Maiki khan laga Doubles tey: Winner- Leimapokpam Diana and Huidrom Vilinda (Chumu), Runner’s up- Shekhotolu Puro and Tovali Shohel (Dimapur). Mix (mota-maiki) thaka laga Doubles tey: Winner- Peramrisi Zeliang (Peren) and Debahuti Lahon (Kohima), Runner’s up- Riku Khape (Dimapur) and Bendangnaro (Nagaland Police). Under- 19 single Boys: Winner- Yhonenba (Mkg), Runner’s up- Heloka Sw (Niuland). Under-19 thaka single Chukri khan nimitey: Winner- A. Ponlih Konyak (Mon), Runner’s up- Imlikumla Imsong (Mkg). Under -19 Doubles Chukra khan nimitey: Karan Kumar aru Heloka Swu (Niuland), Runner’s up toh – Bovi k Chishi aru Nchatu Herie (Dimapur/ Peren). Under -19 Double Chukri khan: Imlikumla Imsong (Mkg) aru Kipangwala (Dimapur), Runners up- Tanisha Gurung and Lhouvisanuo Solo (Mon). Mokokchung District toh itu overall team champion hoboley parishey.
46th Inter District & State Open Badminton Championship Khotom Hoishey
Add Comment