47 Chinese mora boat paise

Agencies, 18 November: Saturday din official pora southern Thailand laga Phuket island jaga deh tuita boat duba majode ekta boat duba paise. Etu time deh ekta boats laga 47 Chinese tourists dubikena mora thakise. Aro tusara boat laga tours khan toh bachibole para thakise. Etu hatsa toh tusara hatsa khan majode sobse beya wala thakise. Officials pora janaideya hesab deh, Saturday din Singapore laga ekta savage company pora boat toh 45-meter-deep (148-foot-deep) pani pethor deh thaga olaise. Recovery operation tak be besi dukh powah thakise. First company pora bacha boat toh hire kora thakise. Operation time deh team laga ekta member be lost howah thakise aro boat be othabole napara thakise. Boat pani pora ola time senior police officers khan thakise aro etu time deh tai khan mora manu laha memorial nemide ek-minute sukhu bondh kora thakise. Etu hatsa howah ke police khan investigate koribole ase. Aro etya tak pas-jun manu logode arrest korikena ase. Tai khan ke arrest kora toh tai khan alchi kori kena manu moraideya pora ase. Aro tai khan logode nai-nai koilebe 10-sal jai saja pabole ase. Officials pora tusara manu logode be investigate kori ase koise.