December 4, 2025: 4th day Hornbill Festival laga din teh Cultural show thakisha. Etu toh Unity Plaza, Naga Heritage Village, Kisama, Kohima teh thakisha. Etu program toh Metsubo Jamir, Minister for Rural Development & SIRD para host kurisha. Aro taila Co-host toh Mhathung Yangthan, Advisor for Agricultural thakisha. Special guest khan toh Aloke Singh, Managing director of Air India Express aro Surabhi varma Garg, IRS, Principal Chief Commissioner of Income Tax (NER), Guwahati thakisha.
Bishi Naga tribes khan etu program teh perform kurisha. Konyak Cultural Troupe para Alea-Boa dance kurisha. Tai khan etu dance toh Aoleang festival teh kurei. Aro Sumi Cultural troupe para Aphilo Kuwo dance kurisha. Etu toh taikhan laga traditional war dance ase koisha. Poila matha katei laga time teh. Aro Kuki cultural Troupe para Khulkon Lam dekhai sha. Etu dance toh Chin-Kuki-Mizo manu khan kina mati bhal besarei ge na. Mati laga niche para olaisha dekhai. Phom Cultural Troupe para MOolum Shou gana kurisha. Etu gana toh taikhan kina manu khan logo teh harei ge na. Munduk aro gusa lagei laga gana ase koisha. Aro bishi alak tribe khan para be taikhan laga gana aro dance khan dekhai sha.
Add Comment