Tokyo, Japan, 4 December : US aro Japanese rescuers para Monday dey 5 laash paishey ekta Osprey military aircraft crash hua piche dey jaa haafta Japan para kutey eight crew thakishey, itu US military kuishey.
“Aji (Monday), itu combined Japanese aro United States teams… ekta breakthrough paishey kitia taikhan laga surface ships aro dive teams khan para aircraft wreckage laga main fuselage laga jagah janiwo parishey,” itu US Air Force kuishey ekta statement dey.
“Dive teams para five additional crew members confirm kuribo parishey eight jun laga original team para kuntu crash dey thakishey,” itu kuishey.
“Itia five para tuita crew members ke locate kurishey aji, attending teams para recover kuri dishey. Pachina thakia crew members khan ke itu wreckage para recover kuriboley kosis chuli asey.”
Itu aircraft haarina olob gondha piche dey November 29 dey Yakushima island osor dey, Japanese agey responder khan para agey jania casualty recover kurisheh itu crash para CV-22 aircraft laga.
United States para itu aircraft Japan dey temporary karney rakhishey 2016 dey ekta Osprey crash hua piche dey Okinawa dey, kuntu para locals maju dey gusaa ulaishey.
Defence Minister Minoru Kihara kuishey Thursday dey ki tai para US military ke aro hudishey Osprey flights ke suspend kuriboley– search-and-rescue operations ke charina — aro ki Japan laga military para nijor laga Ospreys chulawoley rukhaishey safety checks pending kurina.
Huilewi Pentagon para janai disheh ki crash hua CV-22 laga unit toh udhia rukhishey.
“United States para sob thik safety measures lui asey, muikjan sob flight aro sob operation karney kuria nishna,” spokeswoman Sabrina Singh kuishey jaa haafta.
“CV-22 laga unit kuntu itu accident huishey flight operations conduct nakuria huishey. Sob V22 Ospreys Japan dey thik maintenance aro safety check kuria piche dey hi operate kurey,” Singh kuishey.
Ekta emergency management official, Kagoshima region dey kutey itu crash huisheh kuishey ki police ke kuishey itu aircraft toh “ekta left engine para jui ulai thakishey”.
NHK para ekta local fisherwoman ke quote kurishey kun para itu aircraft samundar dey crash hua dikhishey, kuntu para 100 metres laga paani (330 feet) hawaa dey pathaishey.
Add Comment