Uttar Pradesh, 28 April 2025: Ekta case te kute sop manu shock hoi jaishey, ekta 50 saal maiki Uttar Pradesh pra tai laka 30 saal grandson lokot pulai jaishey aro shadi kuri shey tai lokot mandir te. Maiki, Indrawati, kun charta bacha ase- duita mota aro duita maiki- tai laka pura khandan ke chari dishey tai laka grandson Azad ke shadi kuribo leh. Tai jun Govind Sahib mandir te jaishey, vermillion hali kina vows exchanged kuri shey. Satha rounds loisey sacred jui te aro ekjun ekjun ke shadi kuri shey bosti pra naja agae te. Dui jun b osor te bhui thaki shey Ambedkarnagar te. Indrawati aro Azad, kun tai laka grandson ase relationship pra, ekta romantic relationship share kuri shey olop time karne. Hotai lok pai kina b, kun b taikhan laka relationship toh suspect kuri nai family bond nimite taijun bitor te.
Taijun napulai na char din agae te, Indrawati laka mota, Chandrashekhar, taikhan ke lukai kina khota kura dhuri shey aro suspect hoi jaishey. Kicha tai jani paishey taijun laka affair laka, tai opposed kuri shey aro taikhan ke alak alak hubo leh convince kuri shey. Hoileh b maiki aro mota toh mana kuri shey aro taikhan laka plan ki thaki shey kuri shey. Chandrashekhar police te b jaishey etu jhamala toh solve kuribo leh. Hoileh b police khan complaint filed kuribo leh mana kuri shey kileh manu Indrawati aro Azad duijun b dangor manu ase aro right ase taikhan laka partner choose kuribo leh. Indrawati toh Azad lokot plan b kuri shey tai laka mota aro bacha khan ke poison kuribo leh. Chandrashekhar aro janai dishey ki Indrawati toh tai laka second maiki ase aro tai ghor pra kam nimite bahar jai thaka nimite Indrawati aro Azad laka relationship toh dangor hoishey.
Add Comment