Pakistan, January 31, 2026: Army aro officials khan para koi she ki, Pakistan laga security forces khan para 52 terrorist ke morai de she, beshe toh Taliban khan ase koi she. Tinta provinces te operation kurea homoi, 24 hours laga betor te tai khan ke morai de she koi she.
Sic terrorist ke toh Punjab laga province te morai de she Friday te, aro Thursday laga din te, 41 terrorist ke morai de she, duata alak intelligence based operations (IBOs) kurea homoi, Balochistan te. Aro pasta Tehreek-e-Taliban Pakistan (TTP) ke morai de she, etu toh ekta toh commander thake she koi she. Tai khan ke Khyber Pakhtunkhwa province te para morai de she. Punjab police laga Counter Terrorism Department (CTD) para koi she ki, terrorist khan plan banai thake she police khan laga opor te hamla kure bole Mianwali district te, kunto 300km dur ase Lahore para.
CTD laga ekta statement te koi she ki, tai khan khobor pai she ki terrorist khan Chhapri Dam laga area te ase, Mianwali te. CTD teams khan para operation shuru kure she. Tai khan tateh punchea toh terrorist kahn gule marrea shuru kure she. CTD officials khan be wapas gule marea shuru kure she. Aro etu hamla te six terrorist ke toh morai de she, aro eight manu toh polai jai she koi she.
Add Comment