March 11, 2025, 05:32 PM: Itu Inter-departmental Sports Meet 2025 laga 5th Edition shuru hoishey, Bhandari Sub-division under tey, 10th March, 2025 tey, itu Bhandari laga local ground tey, tatey MLA & Chairman SDPDB Bhandari, Achumbemo Kikon toh special guest hisap thaki kena.
Tai laga speech tey, Achumbemo para itu district Administration aru government officer khan ke appreciate kurishey, itu Inter-departmental sports meet organize kuria nimitey, aru state kurishey ki, eneka nishina sporting platform toh hoiley ekjon manu laga talent dikaboley mauka diye aru physical fitness promote kurey.
Itu organizing committee laga EAC & Convenor – Kilangtemsu para tai laga welcome address dishey, tai para mention kurishey ki, itu sports meet laga asol objective toh hoiley, buja-buji, co-operation aru co-ordination foster kuriboley karney asey, itu sob government Employee khan bhitor tey, Bhandari Sub-division under laga.
Sob milai kena 24 Department khan, itu sub-division under tey itu tournament tey participate kurishey. Itu tournament laga inaugural program toh hoiley ekta football match khila pichetey kurishey, Black team aru Red team majetey sports khili kena. Itu match laga official – Athungo Mozhui para kosom khawa laga administer kurishey.
Add Comment